Չորեքշաբթի, 20 նոյեմբերի, 2019 թ.
|
Ստեփանակերտում`   +3 °C

«30 տարվա ընթացքում վառել ենք բոլոր կամուրջները Սփյուռքի հետ». Զարեհ Սինանյանը՝ ԱԺ պատգամավորին

«30 տարվա ընթացքում վառել ենք բոլոր կամուրջները Սփյուռքի հետ». Զարեհ Սինանյանը՝ ԱԺ պատգամավորին
69
Հինգշաբթի, 31 հոկտեմբերի, 2019 թ., 12:25

«Դուք ասում եք, որ նախկինում Սփյուռքի համաժողովները կրել են ձևական բնույթ՝ իմիտացիա ստեղծելու համար, հիմա լինելու են չափելի արդյունքներով: Թվարկեք այդ չափելի արդյունքները: Բարձրորակ մասնագետներին Սփյուռքից ներգրավելու հարցում ամենակարևոր խոչընդոտներից մեկլը մոտիվացիան է: Եթե հաշվի ենք առնում ՀՀ պետական համակարգում աշխատավարձի մակարդակն ու այն երկրներից, որտեղից դուք մտադիր եք մասնագետներ հրավիրել, որքանո՞վ է իրատեսական, որ այդ մասնագետները կգան Հայաստան: Եվ քանի՞ մասնագետ պետք է ՀՀ գա, որպեսզի համարենք, որ այդ 90 մլն դրամը հենց այնպես չի ծախսվել». նման հարցադիմամբ դիմեց ԱԺ «Իմ քայլը» խմբակցության պատգամավոր Բաբկեն Թունյանը՝ Սփյուռքի գործերի գլխավոր հանձնակատար Զարեհ Սինանյանին:

Նշենք, որ բյուջեի նախագծով նախատեսված է որակյալ կադրեր ՀՀ բերելու համար տրամադրել 90 մլն դրամ:

Զ. Սինանյանն ասաց, թե իր ղեկավարած գերատեսչության աշխատանքն անշնորհակալ է: «Մեզ մոտ չափանիշները 1 տարով չեն կարող չափվել, կարող են 3-10 տարով չափվել: Եթե դուք ակնկալում եք, որ 1 տարում Սփյուռքից 100 հազար մարդու ենք հայրենադարձնելու, դա չի լինելու: Բայց որպեսզի կարողանանք դա անել, այսօրվանից պետք է սկսենք աշխատանքը»,- ասաց հանձնակատարը:

Նրա գնահատմամբ՝ 30 տարվա ընթացքում վառել ենք բոլոր կամուրջները Սփյուռքի հետ, և հիմա այդ բացն ինչ-որ ձևով պետք է փակենք: Ու դա պետք անել համբերատար: Ես շատ կուզեի ասել, որ 20-30 մարդ ենք բերելու, բայց չեմ կարող: Բայց ես հավատում եմ, որ այդ մարդկանց ուղեղի մեջ պետք է դնենք այն սաղմը, որ իրենք մի քանի տարուց պետք է գան՝ Հայաստան ապրելու:

«Մենք նրանց հոգեբանորեն հայրենադարձնելու ենք: Իսկ այդ հոգեբանական հայրենադարձությունից ավելի կարևոր բան չկա»,- ասաց Զարհ Սինանյանը: