«Վազգեն Մանուկյանը ոչ մի հիմնավորում էլ չի ներկայացրել, հիմա՛ է այն ծնվել». Ս. Սաֆարյանը՝ Արցախի հարցով քննարկում կազմակերպելը մերժելու մասին
![]() 357 Շաբաթ, 02 նոյեմբերի, 2019 թ., 15:30 «Եթե այդ մարմինը հանրային շահի սպասարկման և կառավարության խորհրդատվական մարմին է, այն պետք է օգնի կառավարությանը՝ իր խորհրդատվությամբ: Պարոն Մանուկյանը պետք է այդ աշխատանքը կազմակերպեր, ես այդ հարցը բարձրացրել եմ Հանրային խորհրդում, և ինքն ասել է՝ չի պատրաստվում դա անել: Ընդ որում՝ ոչ մի հիմնավորում էլ չի ներկայացրել, ասել է՝ ես չեմ անելու դա: Հիմա՛ է այդ հիմնավորումը ծնվել». MAMUL.am-ի թղթակցի հետ զրույցում ասաց Ռազմավարական և ազգային հետազոտությունների հայկական կենտրոնի ղեկավար, քաղաքագետ Ստյոպա Սաֆարյանը՝ անդրադառնալով Վ.Մանուկյանի՝ արցախյան հարցով քննարկում կազմակերպելու Նիկոլ Փաշինյանի առաջարկը մերժելու հիմնավորմանը: Հիշեցնենք, որ Հանրային խորհրդի նախագահն ասել էր, թե Ն.Փաշինյանն իրեն առաջարկել է Արցախի կարգավորման հարցով քննարկում կազմակերպել, բայց այն տեսանկյունից, որ ամեն բան սկսվում է զրոյից: Ըստ Ս.Սաֆարյանի՝ Ն. Փաշինյանը հանձնարարել է պարզել հանրության ներսում ստատուս քվոն: «Ե՛վ լուծումների, և՛ վճարելիք գնի մասով վիճակն անընդհատ փոփոխվում է՝ ի՜նչ ընտրություններ: 2016 թվականը իրավիճակ է փոխել, ո՞ր ընտրությունների մասին է խոսքը: Ն. Փաշինյանը և «Իմ քայլը» ներկայացրել են ղարաբաղյան խնդրի կարգավորման իրենց տեսլականը: Խոսքը վերաբերում է ընդհանուր առմամբ ղարաբաղյան խնդրում հայ հասարակության պատկերացումներին՝ ամբողջությամբ: Հանրային խորհրդին հանձնարարություն չի տրված՝ պարզելու հանրության վերաբերմունքը կոնկրետ կարգավորման տարբերակի վերաբերյալ: Դա՛ չի Ն. Փաշինյանը խնդրել, նա ո՛չ կարգավորման տարբերակի շուրջ հանրության վերաբերմունքն է պահանջել և ո՛չ էլ իր ծրագրերի շուրջ հանրության տեսակետը: Հանրությունը վարչապետի ծրագրերին իր հավանությունն արդեն տվել է ընտրությունների միջոցով»,- պարզաբանեց Հանրային խորհրդի անդամը: Նրա վկայությամբ՝ վարչապետը պահանջել է պարզել հասարակության ներսում առկա պատկերը՝ ստատուս-քվոն, տրամադրությունները, հասարակության պատկերացումները լուծումների վերաբերյալ: Անդրադառնալով Վ.Մանուկյանի՝ Հանրային խորհրդի պաշտոնը թողնելու պահանջին՝ Ս.Սաֆարյանն ասաց, որ ՀԽ նախագահը վերջին ամիսներին պետք է հասկանար, որ ինքը դեմ է գնում կառավարությանը՝ չցանկանալով խորհրդատվություն տալ, այսինքն՝ չի կատարում այն պարտականությունը, որը պարտադրում է «Հանրային խորհրդի մասին» օրենքը: «Հետևաբար՝ ինքը պետք է այդ որոշումը կայացնի և ոչ թե սպասի, որ կառավարությունն իրեն ասի: Եթե ինքը համաձայն չէ կառավարության օրակարգերի հետ, չի կատարում օրենքով իրեն տրված լիազորությունները, ինչո՞ւ է սպասում, որ կառավարությունն իրեն ասի՝ գնա: Պարզ է չէ՞, որ ինքը չի կարողանում աշխատել: Այդ մարմինը կամուրջ է հասարակության և կառավարության միջև, ինքն ասում է՝ կամրջի դերը ես չեմ կատարում: Այդ դեպքում մնում եք, որ ի՞նչ անեք»,- հարցադրեց Ս.Սաֆարյանը: Նա ընդգծեց, որ ո՛չ կառավարությունը, ո՛չ էլ Հանրային խորհուրդը Վ.Մանուկյանին օրենքի խախտումով պաշտոնանկ անելու մտադրություն չունի: «Սակայն մի օր հաստատապես գալու է այն պահը, երբ Հանրային խորհրդի բոլոր անդամներն արձանագրելու են, որ այդ կառույցն այդպես չի կարող աշխատել, եթե հրաժարվում է կատարել ՀՀ սահմանադրությամբ և «Հանրային խորհրդի մասին» օրենքով իր վրա դրված պարտականությունները: Այդ կառույցը պետք է աշխատի, ժամկետը լրանալուց հետո, այո՛, Վ.Մանուկյանը պետք է հրաժեշտ տա այդ պաշտոնին»,-ամփոփեց Ս.Սաֆարյանը: |
Սպասվում է առանց տեղումների եղանակ (լուսանկար)
10808:24«Տաքսու վարորդների իրավունքներն անտեսվում են»․ Հրայր Կամենդատյան
19301:12Քրիստինե Վարդանյանի արձագանքը՝ Փայլակ Ֆահրադյանի գրառմանը
25301:00«Փոքրիկն իր մայրիկի հետ գտնվում է «Աբովյան» ՔԿՀ-ում»․ Զարուհի Փոստանջյան
213Երեկ, 23:36«Բացարձակ անընդունելի է դատարանի անմարդկային որոշումը»․ Զառա Հովհաննիսյան
288Երեկ, 22:24«Թերևս ավելի մարդկային վճիռ կկայացներ AI-ը»․ Գայանե Աբրահամյան
329Երեկ, 21:42«Ինչպես է այս դեպքին արձագանքել գլխավոր դատախազը»․ Ժաննա Ալեքսանյան
287Երեկ, 21:00«Լավ, ասենք՝ երկրի ղեկավարն է չմարդ, բա մյուսնե՞րը»․ Նարինե Կիրակոսյան
316Երեկ, 20:30