Աֆղանստանը հայտարարել է իր տարածքում ԴԱԻՇ-ի ջախջախման մասին

ԴԱԻՇ ահաբեկչական խմբավորումը ջախջախված է Աֆղանստանի տարածքում, այս մասին հայտարարել է երկրի ՆԳՆ պաշտոնակատարը: Գրոհայինների խոշորագույն ստորաբաժանումները ոչնչացված են, իսկ մանր բջիջները հանձնվում են իշխանություններին: Բոլոր նրանք, որվքեր կփորձեն փախչել, կոչնչացվեն, հայտարարել է պաշտոնակատարը: Նա նաև հաստատել է, որ այս հարցում իշխանությունը վայելում է տեղաբնակների բացարձակ աջակցությունը, որը թույլ չի տա ոչ մի արտասահմանյան ահաբեկչական ուժի՝ արմատներ ձգել Աֆղանստանում: