2019-ին մահվան ելքով ավիաաղետները կրկնակի նվազել են

Խոշոր ավիավթարների և դրանց պատճառով զոհերի թիվը նախորդ տարի նվազել է գրեթե կրկնակիով՝ համեմատած 2018 թվականի նմանատիպ ցուցանիշների հետ: Այսպիսի տվյալներ է հաղորդում նիդեռլանդական To70 կայքը:

2019-ին գրանցվել է 86 դժբախտ պատահար՝ 8-ը՝ մահացու ելքով, զոհվել է 257 մարդ: 2018-ին գրանցվել է մահվան ելքով 16 ավիաաղետ, որը խլել է 534 մարդու կյանք:

Պատմական մինիմումը գրանցվել է 2017 թվականին՝ 2 մահաբեր ավիաաղետ՝ 13 մահ:

Մինչդեռ, փորձագետների կարծիքով՝ օդային ուղևորափոխադրումների ծավալը 2019-ին, 2018 թվականի համեմատ, ավելացել է 4,2%-ով: Սա նշանակում է, որ կոմերցիոն օդային տրանսպորտում խոշոր ինքնաթիռների՝ մահվան ելքով վթարների քանակը կազմում է ընդամենը 0,18% (2018-ին՝ 0,20%)՝ մեկ միլիոն թռիչքից: Սա միջինում կազմում է մեկ դժբախտ պատահար՝ ամեն 5,58 միլիոն թռիչքից:

Աղբյուրը հավելում է, որ մահացու ելքով ավիաաղետները մնում են եզակի երևույթներ՝ օդային տրանսպորտը դարձնելով աշխարհում ամենաանվտանգ երթևեկության միջոցներից մեկը: