Երկուշաբթի, 24 փետրվարի, 2020 թ.
|
Ստեփանակերտում`   +3 °C

«Մեկը ինձ կարո՞ղ է համոզել, որ արտակարգ դրության հրամանագիրը չի բխում Ռ. Քոչարյանի կարգավիճակից». Արամ Վարդևանյան

«Մեկը ինձ կարո՞ղ է համոզել, որ արտակարգ դրության հրամանագիրը չի բխում Ռ. Քոչարյանի կարգավիճակից». Արամ Վարդևանյան
86
Երեքշաբթի, 11 փետրվարի, 2020 թ., 15:35

Ռոբերտ Քոչարյանի և մյուսների գործով փետրվարի 11-ի դատական նիստում շարունակվեց Ռ. Քոչարյանի պաշտպանների միջնորդությունների քննարկումը: Միջնորդության հիմնավորումները ներկայացրեց պաշտպան Արամ Վարդևանյանը: Պաշտպանն ասաց, որ Ռ. Քոչարյանի մեղադրանքի հիմքում դրվել է մի տեղեկություն, աղբյուր, որն ինքնին հանցագործության արդյունք է: Խոսքը Վիկիլիքսի մասին է:

Ա. Վարդևանյանը կրկին Քրեական օրենսգրքի 300.1 հոդվածի մասին խոսեց: Նա պնդեց, որ այն կապ չունի իշխանության յուրացման հետ, այն առանձին այլ հանցակազմ է: Դա 2009թ. փաստել է նաև Վենետիկի հանձնաժողովը: Բացի այդ՝ ՍԴ-ն իր որոշմամբ արձանագրել է, որ Ռ. Քոչարյանին մեղսագրվող արարքը, ներառյալ դրա հիմքում դրված փաստերը չպետք է վերաբերեն այնպիսի գործողության, կամ անգործության, որը բխել է նրանց կարգավիճակից կամ գործունեությունից: Հակառակ դեպքում գործառույթային անձեռնմխելիությամբ օժտված անձանց հանդեպ քրեական հետապնդումը չի կարող հարուցվել:

«Ռ. Քոչարյանին մեղսագրվող արարքում վկայակոչվում է նրա կողմից ընդունված արտակարգ դրության հրամանագիրը: Մեկը ինձ կարող է իրավական տիրույթում համոզել, որ համապատասխան հրամանագիրն արտակարգ դրության վերաբերյալ չի բխում կարգավիճակից կամ գործունեությունի՞ց: Իրավունքի տիրույթում ինչպե՞ս կարելի է նման պնդում անել, երբ խոսքը գնում է Սահմանադրությամբ բացառիկ լիազորությամբ օժտված պաշտոնյայի կողմից իր լիազորության իրացման մասին, որը բխում է կարգավիճակից ու իր գործունեությունից»,- հայտնեց Ա. Վարդևանյանը և դատարանին խնդրեց քրեական հետապնդումը դադարեցնել և գործը կարճել: Միջնորդությանը միացավ պաշտպանական խմբից Հայկ Ալումյանը: