Ապրիլյան պատերազմի հերոս Գրիգոր Հարությունյանն այսօր կդառնար 23 տարեկան
 106 Շաբաթ, 15 փետրվարի, 2020 թ., 14:15 Փետրվարի 15-ն Ապրիլյան պատերազմի անմահ հերոս, դիպուկահար Գրիգոր Հարությունյանի ծննդյան օրն է. այսօր նա կդառնար 23 տարեկան։ Գրիգորը զոհվեց Ջաբրայիլում (Ջրական) մարտական դիրքերից մեկը պաշտպանելիս։ Թշնամու հանկարծակի հարձակման ժամանակ նրանց անձնակազմը քայլ անգամ չի նահանջել, փորձել է բոլոր հնարավոր միջոցներով պաշտպանել և հետ շպրտել հակառակորդին: Անհավասար մարտերի ընթացքում դիրքի անձնակազմը մարտնչել է մինչև վերջին փամփուշտն ու ընկել քաջի մահով: Նա ապրիլյան պատերազմում 18 անհետ կորած զինվորներից էր, որոնց մարմինները շաբաթներ անց վերադարձրին հայկական կողմին։ Գ. Հարությունյանը հետմահու պարգևատրվել է ՀՀ «Արիություն» մեդալով: Նա Երևանից էր, բանակ էր զորակոչվել 2015թ-ի ամռանը: Մեծացել էր առանց հայրական խնամքի, հորը կորցրել էր վաղ տարիքում: Մայրը միայնակ մեծացրել է իր չորս զավակներին։ Նրա պատմելով՝ որդին նպատակ ուներ զինծառայությունից վերադառնալ, տունը վերանորոգել, դրա համար շինարարություն ու կահույքագործություն էր սովորում: |
