Ալիևը զայրացած է. «Հին Ադրբեջան»-ի քարտեզի վրա նա չի գտել Ադրբեջանը

Ադրբեջանի նախագահ Իլհամ Ալիևը, մասնակցելով Թովուզի շրջանում պատմաերկրագիտական թանգարանի բացմանը և ծանոթանալով ներկայացված պատմական քարտեզներին, «վրդովվել է»՝ այնտեղ հայտնաբերելով հայկական տեղանուններ։

Զննելով թանգարանի պատին ամրացված քարտեզները, Ալիևը հայտնել է իր դժգոհությունը: Նրան հայտնել են, որ քարտեզներն արվել են մշակույթի նախարարության կողմից։

«Որտեղի՞ց եք վերցրել այս քարտեզը: Ադրբեջանի ներկայիս տարածքի վրա Մինգեչյավիրից բացի ոչ մի պատմական անվանում գրված չկա: Գրված է, օրինակ, Սիսիան: Այն ժամանակ Սիսիան չի եղել, հետո ինչ-որ մեկն այն հորինել է... Այս քարտեզից ոչինչ հնարավոր չէ հասկանալ։ Լցնում եք թանգարանը ցուցանմուշներով և կարծում, որ վերջացրիք։ Եվ, եթե երեխան գա և հարցնի, թե ո՞րն է իմ հայրենիքը, որտե՞ղ են իմ հին քաղաքները: Փոխարենը, մենք այնտեղ տեսնում ենք Ուրարտուն»,- հայտարարել է Ալիևը։