Հնդկաստանում հարյուրավոր մարդիկ կովի մեզ են խմել՝ կորոնավիրուսից պաշտպանվելու համար

Հարյուրավոր հնդիկներ Դելիում կովի մեզ խմելու ծիսակատարություն են իրականացրել՝ հույս ունենալով այդպես պաշտպանվել COVID-19 կորոնավիրուսից, գրում է Daily Mail-ը։

Հավատացյալների խոսքերով՝ իրենք բուժման նպատակով ավելի քան 20 տարի կովի մեզ են խմել ու լողացել են գոմաղբի մեջ և անգլիական ծագումով դեղամիջոցների կարիքը չունեն։

Աղբյուրը նշում է, որ կովի մեզ խմելը խրախուսում են նաև Հնդկաստանի իշխող «Բհարաթիա Ջանաթա» կուսակցության առաջնորդները, որոնք «այդ միջոցը կորոնավիրուսի և քաղցկեղի դեմ բալասան են համարում»։