Սերբիան պարետային ժամ կպարտադրի տարեցներին

Սերբիան 65 տարեկանից բարձր անձանց համար պարետային ժամ է սահմանում՝ կորոնավիրուսի տարածումը կանխելու համար։ Այս մասին հայտնել է Սերբիայի նախագահ Ալեքսանդր Վուչիչը՝ ճեպազրույցի ժամանակ:

Մարտի 17-ին գրանցվել է նոր կորոնավիրուսով վարակման 72 նոր դեպք, երկրում հայտարարվել է արտակարգ դրություն:

Ավելի վաղ Սերբիայի վարչապետ Անա Բրնաբիչը վրդովմունք էր հայտնել երկրում արտակարգ դրության հայտարարման ժամանակ քաղաքացիների կարգապահության բացակայության վերաբերյալ և հայտարարել դրության խախտման համար միջոցների և տուգանքների խստացման մասին: