Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Մարտի 1-ի գործը վտանգված է․ Մոսկվան չի ողջունում ՀՀ-ի գործողությունները». Նորայր Նորիկյան

«Մարտի 1-ի գործը վտանգված է․ Մոսկվան չի ողջունում ՀՀ-ի գործողությունները». Նորայր Նորիկյան
460
Շաբաթ, 21 մարտի, 2020 թ., 01:10

«Ի՞նչն է պատճառը, որ ՀՀ-ում հեղափոխությունից հետո սկսված օրինականության վերականգնման գործընթացի արդյունքում մի շարք առանցքային նշանակություն ունեցող անձինք, չգիտես ինչ-ինչ հանգամանքներում, հայտնվում են ՌԴ տարածքում, ավելին՝ հետախուզում հայտարարելուց հետո էլ այդ մարդիկ չեն հայտնաբերվում և չեն հանձնվում հետախուզում հայտարարած երկրին»,- «Առաջին լրատվական»-ի եթերում ասել է փաստաբան Նորայր Նորիկյանը:

Փաստաբանի պնդմամբ՝ այս ամենն արդեն դուրս է եկել Գլխավոր դատախազության կամ իրավապահ մարմինների վերահսկողության տիրույթից և դարձել է միջպետական հարաբերությունների հստակեցման խնդիր. «Իմ տպավորությամբ՝ Ռուսաստանն այնքան էլ չի ողջունում Հայաստանում իրականացվող օրինականության վերականգնման գործընթացը, առավել ևս, երբ թիրախում են հայտնվել նախկին քրեաօլիգարխիկ համակարգի ներկայացուցիչները, որոնք տարբեր թելերով կապված են Ռուսաստանի տարբեր օղակների հետ»,- նշել է նա:
Նորիկյանը նշել է՝ եթե շարունակվի այդ մարդկանց խուսափելը քրեական պատասխանատվությունից, ինքն ամենայն պատասխանատվությամբ կհայտարարի, որ վտանգի տակ է դրվում այն բոլոր քրեական գործերի հետագա ընթացքը, որոնց շրջանակներում այդ մարդկանց մեղադրանք է առաջադրված, նաև՝ Մարտի 1-ի:

Մանրամասները՝ սկզբնաղբյուրում: