«Մայիսին՝ 100 հազար դրամ յուրաքանչյուր ընտանիքին». Էդմոն Մարուքյանի առաջարկը

ԱԺ ԼՀԿ խմբակցության ղեկավար Էդմոն Մարուքյանը տեսաուղերձով մի գաղափար է դրել շրջանառության մեջ, որը կիրառում են տարբեր երկրներ: Օրինակ՝ ԱՄՆ-ը գնացել է մարդկանց ուղիղ գումար տրամադրելու ճանապարհով: Քաղաքացիներն այդ գումարը ծախսում են իրենց կարիքների համար, և տնտեսությունը մեռած վիճակից շարժվում է:
Ըստ պատգամավորի՝ կառավարության կողմից հակաճգնաժամային ծրագրերին տրամադրվող ֆինանական միջոցները ՀՆԱ-ի 1%-ն է, մնացած մասը վարկային ծրագրեր են: Շատ տնտեսվարողներն էլ բողոքում են, թե չեն կարողանում վարկեր ստանալ: Հազարավոր իրական կարիքավորներ դուրս են մնացել ծրագրերից: Մինչդեռ, պետք է չէ աջակցել պետական սեկտորի, հանրային ծառայության ոլորտի աշխատողներին:
«Մենք առաջարկում ենք մայիսից 100 մլրդ դրամ նախատեսել, որի 50 մլրդ դրամը բաժանել 500 հազար ընտանիքի, ամեն մեկին՝ 100 հազար դրամ: Մնացած 50 մլրդ դրամը բաշխել կենսաթոշակառուներին»:
Մարուքյանը պնդեց, որ այդ գաղափարն իրականացնելու համար ֆինանսական միջոցները կան:
«Փող կա, այդ փողը գանձապետական համապատասխան հաշվեհամարին ԿԲ-ում դրված է՝ 300 մլրդ դրամից ավելի»,- ասաց պատգամավորը:
Մանրամասները՝ տեսանյութում: