Հինգշաբթի, 06 օգոստոսի, 2020 թ.
|
Ստեփանակերտում`   +22 °C

«Հետիոտնային կանչ»-ի ռեժիմով նոր լուսացույցներ կգործարկվեն

«Հետիոտնային կանչ»-ի ռեժիմով նոր լուսացույցներ կգործարկվեն
105
Հինգշաբթի, 30 ապրիլի, 2020 թ., 17:45

Երթևեկության անվտանգության ապահովման և կազմակերպման նկատառումով 2020թ. ապրիլի 30-ից մայրաքաղաքի ևս 4 փողոցների չկարգավորվող հետիոտնային անցումներում կկատարվի երթևեկության կազմակերպման փոփոխություն.

Մոլդովական փողոց՝ հ. 27/7,

Նորագավիթ 1-ին փողոց 6-րդ փողոցների հատման մասում,

Գլինկայի փողոց՝ հ.19,

Մ. Բաբաջանյան փողոց՝ հհ.46, 146։

Նշված հետիոտնային անցումներում, ինչպես նաև՝ Արշակունյաց պողոտա հհ.12,15, Աճառյան փողոց քարի մոտ, Լենինգրադյան փողոց հ.10, Թբիլիսյան խճուղի հ.73/2, Քանաքեռցու փողոց հ.117 հասցեներում տեղակայվել են «Հետիոտնային կանչ»-ի ռեժիմով աշխատող լուսացույցներ, որոնք կգործարկվեն առաջիկայում։ Այդ ճանապարհահատվածներով տրանսպորտային միջոցների երթևեկության ու հետիոտնային անցումներով հետիոտների տեղաշարժի հերթականությունը հետիոտների միջամտությամբ կկարգավորվի լուսացույցի ազդանշաններով։

Միաժամանակ աշխատանքներ են տարվում՝ Բաղրամյան պողոտա-Երզնկյան փողոց խաչմերուկում և Զ. Քանաքեռցու փողոց հհ.63,65 հասցեներում առկա հետիոտնային անցումներում «Հետիոտնային կանչ»-ի ռեժիմով աշխատող լուսացուցային օբյեկտների տեղակայման ուղղությամբ, հայտնում է Երևանի քաղաքապետարանը։