«Այս պահից սկսած Ռուսաստանի և Ուկրաինայի միջև պատերազմում ուժի մեջ է ԷՆԵՐԳԵՏԻԿ ԶԻՆԱՐԱԴԱՐ». Թրամփ

Հոկտեմբերի 11-ին Ուկրաինայի և Ռուսաստանի միջև սկսվեց «էներգետիկ զինադադար», որը համաձայնեցվել էր երկու կողմերի կողմից։

Այս մասին հայտարարել է ԱՄՆ-ի նախագահ Դոնալդ Թրամփը Truth Social-ում:

«Այս պահից սկսած Ռուսաստանի և Ուկրաինայի միջև պատերազմում ուժի մեջ է ԷՆԵՐԳԵՏԻԿ ԶԻՆԱՐԱԴԱՐ։ Երկու կողմերն էլ համաձայնության են եկել։ Մի՛ խախտեք այն։ Շնորհակալություն այս հարցի նկատմամբ ձեր ուշադրության համար»,- գրել է ԱՄՆ-ի նախագահը։

Նա չի նշել, թե երբ են Կիևն ու Մոսկվան համաձայնության եկել այս հարցի շուրջ։
Պետք է նաև նշել, որ ո՛չ Ուկրաինան, ո՛չ էլ Ռուսաստանը պաշտոնապես չեն հաստատել Թրամփի հայտարարությունը։

Ի դեպ, 2026 թվականի սեպտեմբերի 14-ին ԱՄՆ նախագահն արդեն հայտարարել էր, որ Ուկրաինան և Ռուսաստանը, իբր, համաձայնել են դադարեցնել միմյանց էներգետիկ օբյեկտների վրա հարձակումները։

«Ուկրաինան համաձայնել է չհարվածել ռուսական էներգետիկ օբյեկտներին։ Ռուսաստանը համաձայնել է նույնը անել։ Դիզելային վառելիքի համաշխարհային գների աճը հիմնականում պայմանավորված է Ռուսաստանի և Ուկրաինայի միջև պատերազմով, այլ ոչ թե Իրանով», - սեպտեմբերին գրել է Թրամփը թվիթերում։

Սակայն, ինչպես հայտնի է, էներգետիկ զինադադար չի կնքվել։