«Քաոսն ու պատերազմի աշխարհագրության մեծացումը դեռ առջևում են». Արամայիս Աղաբեկյան

Արցախի ԱԺ պատգամավոր Արամայիս Աղաբեկյանի ֆեյսբուքյան գրառումը. «Թրամփը կարծում է, որ Ուկրաինային նոր նախագահ է պետք, Պուտինն էլ է նույնը կարծում։
Զելենսկին այլ ընտրություն չունի, քան ծայրահեղ ու մաքսիմալ ագրեսիվ պատերազմի մղումը։ Ռուսաստանի խորքերը հասցվող հարվածների ինտենսիվությունը մոտակա օրերին և ամիսներին պիտի պատմական ռեկորդներ գրանցի։
Եվրոպան էլ առանձնահատուկ մեծ ընտրություն չունի, քանզի հասկանում է, որ Ուկրաինային մենակ թողնելու դեպքում Պուտինին պիտի դիմավորի իր տարածքում։
Այնպես որ՝ քաոսն ու պատերազմի աշխարհագրության մեծացումը դեռ առջևում են։
Ուկրաինական ճակատում Թրամփ-Պուտին սիլիբիլին ենթադրում է նաև սիրո դոզա Հարավային Կովկասում, ինչը կարող է բերել պայմանավորվածությունների նոր փաթեթի՝ տարածաշրջանային ենթակառուցվածքների բացման համատեքստում։
Պատահական չի, որ ռուս պաշտոնյան Հայաստանին մեկի փոխարեն մի քանի ԹՐԻՓ է խոստանում , Լուկաշենկոն հիշեցնում է Փաշինյանին ոչ մի տեղ փախչելու անհնարինության մասին, և պատահական չի, որ այսօր Պուտինի հավատարիմ բանագնաց Կադիրովն այցելում է Բաքու և ջերմ շփվում Ալիևի հետ։
Հետաքրքիր ա, որ էս կոմբինացիաների մասին դեռ ոչինչ չի ասել Էրդողանը, որի քայլերը կարան ամրապնդեն կամ լրիվ նոր երանգներ տան այս ամեն ինչին։
Ցանկացած պարագայում բացարձակ քաոսը, ապահովված ա, որն իմ համար ամենևին վատ լուրի մասին լինել չի կարող։
Այս պահին դատապարտված պարտիայի պարագայում հենց համաշխարհային ճգնաժամը գուցե և լինի հայ ազգի ու հայ ազգայնականի միակ շանսը...»: