Ուրբաթ, 29 մարտի, 2024 թ.
|
Ստեփանակերտում`   +15 °C

Գերմանիան առասպել է համարում սահմանափակումների վերաբերյալ «շվեդական դրախտի» օրինակը

Գերմանիան առասպել է համարում սահմանափակումների վերաբերյալ «շվեդական դրախտի» օրինակը
777
Հինգշաբթի, 14 մայիսի, 2020 թ., 00:15

Թեև եվրոպական երկրները նախանձով են վերաբերվում Շվեդիայում տիրող կորոնավրուսային իրադրությանը, այնուամենայնիվ, «շվեդական դրախտը» միֆ է, որը ցույց է տալիս երկրում բարձր մահացության ցուցանիշը և ինտենսիվ թերապիայի բաժանմունքում սակավ տեղերի առկայությունը, գրում է գերմանական Die Welt թերթը։

Շվեդիան հրաժարվել է լայնածավալ կարանտինային միջոցառումներ նախաձեռնել, բայց երկրում իրավիճակը միանշանակ չէ, գրում է հոդվածի հեղինակ Ուտա Վայսեն: Երկրում բաց են դպրոցները, մանկապարտեզները, սրճարանները և խանութները, իսկ ռիսկային գոտում գտնվող քաղաքացիները պետք է ինքնամեկուսանան: Մնացած մարդկանց պետությունը առաջարկում է հնարավորության դեպքում սահմանափակել սոցիալական շփումները, հայտնում է RT-ն:
Եվրոպական այլ երկրներում շատերը կորցրել են աշխատանքը, ընկերություններն ստիպված են վարկեր վերցնել, և աճում է Շվեդիայի նկատմամբ նախանձը: Սակայն այս երկու ցուցանիշը կասկածի տակ է դնում կառավարության կողմից ճգնաժամի իրավիճակում նախաձեռնած քայլերը։
Եթե ամեն ինչ ընթանա այնպես, ինչպես ակնկալում են Շվեդիայի իշխանությունները, ապա երկիրն ավելի քիչ տնտեսական վնասներ կկրի, քան մյուս պետությունները: Սակայն իրավիճակի այլ զարգացման դեպքում հետևանքներն ավելի վատ կլինեն, քան եվրոպական այլ երկրներում: Շվեդիայի առողջապահական համակարգը կարող է արագ փլուզվել։ Եթե համեմատենք մահացությունների ցուցանիշը ընդհանուր բնակչության թվաքանակով, ապա կտեսնենք, որ Շվեդիայում կորոնավիրուսից երեք անգամ ավելի շատ մարդ է մահացել, քան Գերմանիայում: