Ուրբաթ, 29 մարտի, 2024 թ.
|
Ստեփանակերտում`   +6 °C

«Բացահայտվեց մի հրեշավոր իրականություն». Փաշինյանը խոստացավ շարունակել երեկվա ֆլեշմոբը

«Բացահայտվեց մի հրեշավոր իրականություն». Փաշինյանը խոստացավ շարունակել երեկվա ֆլեշմոբը
612
Չորեքշաբթի, 03 հունիսի, 2020 թ., 19:45

Քիչ առաջ պարետատան նիստի ավարտից հետո ՀՀ վարչապետ Նիկոլ Փաշինյանը հանդես եկավ ճեպազրույցով: Նա մասնավորապես ասաց. «Իրավիճակը ՀՀ-ում շարունակվում է լարվել, երեկ 515 նոր դեպք ենք ունեցել, այս վերջին օրերին վիճակագրությունը որևէ ձևով ինձ համար հասկանալի չէր, որովհետև մենք մի քանի անգամ քննել ենք պարետատան կաննոները և կասկած չունենք, որ այդ կանոնների պահպանումը պիտի բերեր ճշգրտորեն համաճարակի նոր դեպքերի էական նվազման: Պատճառների մասին պետական մարմինների զեկույցներն ինձ չէին բավարարում, և ես դիմեցի ինձ համար ամենավստահելի մեթոդներից մեկին՝ հանրությանը դիմելուն: Ես խնդրեցի, որ ֆեյսբուքյան օգտատերերը բացահայտեն հակահամաճարակային կանոնների դեպքերը, բացահայտվեց մի հրեշավոր իրականություն. ՀՀ-ում գործ ունենք հակահամաճարակային կանոնների ահռելի ծավալների հետ: Բացահայտվեցին գաղտնի հարսանիքներ, խնջույքներ, վերջին զանգեր, տոնական այլ միջոցառումներ»,- ասաց վարչապետը՝ շնորհակալություն հայտնելով, այսպես կոչված՝ հանրային վերահսկողության ֆլեշմոբին և խոստանալով, որ դա շարունակական է լինելու: «Կոչ եմ անում ձեր կողմից նկատված խախտումներն ուղարկել իմ ֆեյսբուքյան էջին»,- ասաց նա: