«Գիտե՞ք, ինչ գործ ունի առողջապահության նախարարը». Արսեն Թորոսյանը նոր փաստաթուղթ է հրապարակել

ԱՆ Արսեն Թորոսյանը ֆեյսբուքյան իր էջում գրել է. «Գիտե՞ք, ինչ գործ ունի առողջապահության նախարարը և միաժամանակ ՔՊ վարչության անդամն օրինականության հաստատման հետ:

Այն, որ այդ ապօրինությունների, հարկեր չվճարելու, պետությանը վնաս պատճառելու, ընտրությունները կեղծելու արդյունքում մեր ոլորտը այնքան է թերֆինանսավորվել, որ մարդիկ իրենց առողջական հարցերը չեն կարողացել լուծել և ընտրություններին նայել են «ձայն գնող բարերարների» և յուր կատարածուների ձեռքերին, որ պետպատվերով վիրահատվեն կամ էլ դեղի փող ստանան մի քանի հազար դրամի չափով:

Եվ հիմա է, որ այդ ամենը պետք է վերադարձվի պետական բյուջե, ապօրինություն գործածներն էլ պատժվեն օրենքի ողջ ուժով, որ այլևս ոչ ոքի մտքով չանցնի նման բան:

Հ.Գ. իսկ ի՞նչ կասեք կից մեկնաբանության մասին հարգելի հայրենակիցներ, որը վերաբերում է նախորդ «հաշվետվությանը»: