Շաբաթ, 04 հուլիսի, 2020 թ.
|
Ստեփանակերտում`   +25 °C

Նախագահը ստորագրել է ԱԺ կանոնակարգ և Սահմանադրական դատարանի մասին օրենքներում փոփոխությունների փաթեթը

Նախագահը ստորագրել է ԱԺ կանոնակարգ և Սահմանադրական դատարանի մասին օրենքներում փոփոխությունների փաթեթը
47
Չորեքշաբթի, 24 հունիսի, 2020 թ., 00:50

Արմեն Սարգսյանը ստորագրել է իր ստորագրության անհրաժեշտությունը վերացնող օրենսդրական փոփոխությունը։ Այսպես. Հանրապետության նախագահը, ի թիվ այլ օրենքների, ստորագրել է «Ազգային ժողովի կանոնակարգ» սահմանադրական օրենքում լրացումներ և փոփոխություն կատարելու մասին, «Սահմանադրական դատարանի մասին» սահմանադրական օրենքում լրացումներ կատարելու մասին օրենքների փաթեթը, «Ազգային ժողովի կանոնակարգ» սահմանադրական օրենքում փոփոխություններ և լրացումներ կատարելու մասին, «Հայաստանի Հանրապետության դատական օրենսգիրք» սահմանադրական օրենքում փոփոխություն և լրացումներ կատարելու մասին, «Սահմանադրական դատարանի մասին» սահմանադրական օրենքում լրացումներ և փոփոխություն կատարելու մասին օրենքների փաթեթը:

Հիշեցնենք՝ ավելի վաղ ՀՀ վարչապետը ֆեյսբուքյան իր էջում գրել էր, որ ընդունված «ԱԺ կանոնակարգ» օրենքի փոփոխությունը «ուժի մեջ կմտնի Հանրապետության նախագահի կողմից ստորագրվելուց հետո, որից հետո ԱԺ նախագահը կհրապարակի Սահմանադրական փոփոխությունների փաթեթը, և այդ պահից ՍԴ նախագահը պաշտոնանկ կհամարվի, իսկ ՍԴ երեք դատավորների լիազորությունները կդադարեն»: