«Իրենք յուրովի էին ճիշտ, ես՝ յուրովի»․ Ռուբեն Հակոբյանը դուրս եկավ ԱԱԾ-ից

«Իրենք՝ գնդապետները յուրովի էին ճիշտ, ես՝ յուրովի, պետք է ճշտել ամբողջությամբ օրենքն ի՞նչ է ասում»,- դուրս գալով ԱԱԾ-ից՝ լրագրողների հետ զրույցում ասաց Ռուբեն Հակոբյանը՝ տեղեկացնելով, որ չորեքշաթի կրկին կներկայանա հարցաքննության։

Ավելի վաղ հայտնել էինք, որ Ազգային ժողովի նախկին պատգամավոր Ռուբեն Հակոբյանը հրավիրվել է Ազգային անվտանգության ծառայություն: ՍԴ շենքի մոտ երեկվա իր հարցազրույցի ժամանակ քաղաքագետը հայտարարել էր, որ «պետական պահպանության օբյեկտները գրավելով, ինչպես Նիկոլ Փաշինյանը գրավեց, կլինի ռադիոտուն, հեռուստատեսություն, ազգային անվտանգության պետական պահպանության տակ գտնվող ուրիշ օբյեկտներ, պետք է գրավել և նրան վռնդել իշխանությունից»։