Շաբաթ, 18 հոկտեմբերի, 2025 թ.
|
Ստեփանակերտում`   +13 °C

«Թրամփի Ամերիկայում և Փաշինյանի Հայաստանում նույն մոտեցումներն են իշխում». Հայկ Մարտիրոսյան

«Թրամփի Ամերիկայում և Փաշինյանի Հայաստանում նույն մոտեցումներն են իշխում». Հայկ Մարտիրոսյան
350
Կիրակի, 28 հունիսի, 2020 թ., 18:30

Քաղաքագետ Հայկ Մարտիրոսյանը ֆեյսբուքյան իր էջում գրել է. «Ողջ ահռելի Լոս Անջելեսում մնացել է մոտ 150 ինտենսիվ թերապիայի մահճակալ միայն: Նրանք, որոնք դրանց լրանալուց հետո կունենան կարիք, կմահանան:

Վարակվածների ամենաբարձր ցուցանիշ ունեցող հատվածներից մեկը Գլենդելն է: Օրեր առաջ հայկական մի ընտանիք այստեղ նախ փեսայի տանն էր հարյուր հոգանոց հարսանիք արել, հետո՝ հաջորդ օրը, տեղափոխվել հարսի տուն: Նույն Գլենդելում մարդկանց մի ստվար զանգված՝ խախտելով նահանգի հրահանգը, փողոց է դուրս գալիս առանց դիմակի:

Բնիկ գլենդելահայերի մի ստվար զանգված էլ պնդում է, որ սա քաղաքական խաղ է, որ սա սիրելի մեծ առաջնորդ Թրամփի դեմ դավադրություն է և որ նոր կորոնավիրուսն ավելի վտանգավոր չէ, քան գրիպը:

Ու երբ այդ մարդիկ կլրացնեն մահճակալային ողջ ֆոնդը, ամեն կերպ վարակից պաշտպանվել փորձող հայ և ոչ հայ քաղաքացիներին՝ հանկարծ վարակվելու պայմաններում մահճակալ չի մնա:

Նշեմ նաև, որ նախկին հայաստանցի, նախկին լիբանանցի, նախկին իրանցի բնիկ գլենդելահայերի մի ահռելի զանգված թրամփիստ է, հետևաբար նաև՝ ոչ միշտ, բայց շատ հաճախ՝ փաշինյանիստ:

Ու պատահական չէ, որ Թրամփի Ամերիկայում և Փաշինյանի Հայաստանում (նկատի ունեմ միայն նշված երկու երկրների ներսում գործող առանձին արժեհամակարգային «երկրներում») վարակի ու մտածողության նույն մոտեցումներն ու մակարդակն են իշխում»: