ԱՄՆ-ում ՀՀ դեսպանությունը՝ Դենվերում Հայոց ցեղասպանության հուշարձանը վնասելու մասին

ԱՄՆ-ում ՀՀ դեսպանությունը մեկնաբանել է Դենվերում Հայոց ցեղասպանության հուշարձանը վնասելու փաստը:

Հայտարարությունում, մասնավորապես, նշվում է. «Կոլորադո նահանգի Դենվեր քաղաքում տեղադրված ու Հայոց ցեղասպանությանը և մարդկության դեմ կատարված բոլոր հանցագործությունների զոհերին նվիրված խաչքարը վնասելու առնչությամբ ՀՀ ԱԳՆ-ն արդեն իսկ հանդես է եկել համապատասխան մեկնաբանությամբ:

Մենք գնահատում ենք Միացյալ Նահանգների իշխանությունների պատշաճ ուշադրությունն այս հարցի նկատմամբ»։