Այշվարիա Ռայն ու նրա ընտանիքի անդամները վարակվել են կորոնավիրուսով

3487

Կիրակի, 12 հուլիսի, 2020 թ., 17:10

Հնդիկ դերասան, «Միսս աշխարհ 1994» գեղեցկության մրցույթի դափնեկիր Այշվարիա Ռայը վարակվել է կորոնավիրուսով: Այս մասին հայտարարել է Մահարաշտրա նահանգի Առողջապահական գործակալությունը. այդ նահանգում է ապրում դերասանուհու ընտանիքը: Դրական է եղել նաև Այշվարիայի դստեր՝ Արադհիի թեստի պատասխանը: Մինչ այդ հոսպիտալացվել են գեղեցկուհու սկեսրայրը՝ հայտնի դերասան Ամիթաբհ Բաչչան, ինչպես նաև ամուսինը՝ դերասան և ռեժիսոր Աբհիշեք Բաչչանը:

Ներկա դրությամբ Բաչչանների ընտանեկան կալվածքը փակ է, բոլոր բնակիչները 14-օրյա կարանտինի մեջ են: