«Պետք է պարտադիր ավելացնել ռազմագիտության ժամերը». Ռուբեն Շուխյան

Պատմաբան Ռուբեն Շուխյանը սոցկայքի իր էջում գրել է. «Այսօր նորից տեսնում ենք, որ Արմավիրում ինչ որ նոր եկեղեցու հիմք է դրվել: Հարգելիներս, ե՞րբ ենք վերջապես ուշքի գալու: Մեր հայրենիքը պերմանենտ պատերազմի մեջ է, շուրջբոլորը մեծ ու փոքր իմպերիաների անկառավարելի փլուզման գործընթաց է գնում, և պարզ չէ դեռ, թե երբ է այս ամենն ավարտվելու: Փոխանակ մտածենք հավուր պատշաճի պատրաստվել այդ լուրջ մարտահրավերներին դիմագրավելու, զենք-զինամթերք արտադրենք, ապաստարաններ, կոմունիկացիաներ հիմնենք, տնտեսություն զարգացնենք և այլն՝ դրա փոխարեն հիմա նորից դարավոր կոտրված տաշտակի առջև ենք ուզում կանգնե՞լ: Վերջապես ոչ թե պետք է քննարկել դպրոցներում աստվածաշնչային պատմությունների լինել-չլինելու հարցը, այլ՝ ուղղակի պետք է պարտադիր ավելացնել ռազմագիտության ժամերը և պատշաճ կերպով ուսուցանել հայոց զինուժի պատմությունը: Մենք այսօր պահանջ ունենք Հայաստանի համար հայրենասեր քաղաքացի և մարտունակ զինվոր կրթելու, կայացնելու անհրաժեշտություն: Թե չէ ստացվում է՝ նորից ենք աղոթելու, որ օտարը գա մեզ «փրկի»»: