«Գործողությունն ուղղված է ոչ միայն Ծառուկյանի դեմ, այլև՝ ՀՀ տնտեսության». Արծվիկ Մինասյան

«Գագիկ Ծառուկյանին աջակցում եմ ոչ միայն որպես քաղաքականության մեջ գտնվող մարդ, այլ նաև մարդ, ով ծանոթ է նրան: Որպես Բնապահպանության նախկին նախարար՝ ասեմ, որ նա մեծ ներդրում է ունեցել ոլորտում»,- ասաց 8-րդ գումարման ԱԺ պատգամավոր Արծվիկ Մինասյանը՝ քննչականի բակում խոսելով ԲՀԿ առաջնորդի մասին: «Գուցե ինձ համար ընդունելի չէ որսն առհասարակ, բայց մյուս կողմից, պետք է արձանագրեմ, որ վայրի բոլոր կենդանիները, որոնք գտնվել են Ծառուկյանի պահպանության ներքո, առնվազն էն ժամանակահատվածում, համապատասխանել են Վայրի կենդանիների միջազգային պահպանման կանոններին»,- հավելեց Մինասյանը: Նրա խոսքով՝ այս գործողությունն ուղղված է ոչ միայն Ծառուկյանի դեմ, այլև՝ ՀՀ ողջ տնտեսության. «Որպես Էկոնոմիկայի նախկին նախարար՝ ասեմ, որ, եթե իրենք ուզում են համաչափ մրցակցության պաշտպանության տեսակետից գործողություններ ձեռնարկել, ապա ամենևին էս ձևը չի»: