Խաչատուր Սուքիասյանի եղբայրը կասկածվում է 51-ամյա գործարարին ծեծելու մեջ

471

Հինգշաբթի, 23 հուլիսի, 2020 թ., 13:25

Ոստիկանության Էրեբունու բաժնում նյութեր են նախապատրաստվում մարմնական վնասվածք, սպանության սպառնալիք, ազատությունից ապօրինի զրկելու փաստով։ Ինչպես հայտնում է ֆոտոլրագրող Գագիկ Շամշյանը, երեկ՝ հուլիսի 22-ին, ոստիկանության Էրեբունու բաժին է դիմել Երևան քաղաքի Նորք Մարաշ վարչական շրջանի բնակիչ՝ 51-ամյա Օնիկ Կարապետյանը (մոսկվայաբնակ գործարար) և հայտնել, որ 1 օր առաջ Երևանի Զավարյան փողոցի գրասենյակներից մեկում վիճաբանության ժամանակ Ռուբեն Սուքիասյանը և վերջինիս ծանոթ՝ ոմն Արտաշը ձեռքերով հարվածել են իրեն՝ պատճառելով մարմնական վնասվածքներ։ Ֆոտոլրագրողի տեղեկություններով՝ Ռ. Սուքիասյանը գործարար, «Գռզո» մականվամբ Խաչատուր Սուքիասյանի եղբայրն է։

Մանրամասները՝ սկզբնաղբյուրում։