Ողբերգական վթար Կոտայքի մարզում. կա 1 զոհ

413

Շաբաթ, 25 հուլիսի, 2020 թ., 18:35

Այսօր՝ հուլիսի 25-ին, խոշոր ավտովթար է տեղի ունեցել Կոտայքի մարզում։ Ժամը 16։00-ի սահմաններում Գետարգել գյուղի սկզբնամասում Երևանի բնակիչ Ա. Գ.-ն իր վարած Opel մակնիշի ավտոմեքենայով դուրս է եկել հանդիպակաց երթևեկելի գոտի և ճակատ-ճակատի բախվել 61-ամյա Ն. Վ.-ի վարած International մակնիշի բեռնափոխադրիչ ավտոմեքենային։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով Opel-ի վարորդը դուրս են բերվել ավտոմեքենայից: Աբովյանի բժշկական կենտրոնի բժիշկների հերթապահ խումբը նախ տեղում առաջին բուժօգնությունն է ցուցաբերել, ապա տեղափոխել «Աբովյան» բժշկական կենտրոն։

Ոստիկանությունում փաստի առթիվ նյութեր են նախապատրաստվում։

Մինչ դեպքի վայրի զննություն էր կատարվում, հիվանդանոցից ահազանգ ստացվեց, որ վիրավորը, գիտակցության չգալով, մահացել է։