Ռուսաստանում մեկ օրում գրանցվել է վարակի 5 509 նոր դեպք

1036

Հինգշաբթի, 30 հուլիսի, 2020 թ., 12:10

Ռուսաստանի 84 շրջաններում կորոնավիրուսով վարակման նոր՝ 5 509 դեպք է հաստատվել, մահացել է 129 մարդ (նախօրեին՝ 169 մարդ): Այս մասին հայտնել է կորոնավիրուսի դեմ պայքարի օպերատիվ շտաբը, գրում է Интерфакс-ը։ Հաստատված դեպքերի ընդհանուր թիվը կազմում է 834 499 մարդ, ապաքինվել է 629 655 բուժառու (նախօրեին՝ 9 322), մահացել է 13 802 մարդ։

Նոր դեպքերի մեծ մասը հաստատվել է Մոսկվայում՝ 678 դեպք։ COVID-19-ի ևս 215 նոր դեպք է արձանագրվել Սվերդլովսկի մարզում, Խանտի-Մանսիական ինքնավար տարածքում՝ 172, Սանկտ Պետերբուրգում՝ 162, Նիժնի Նովգորոդի շրջանում՝ 158։