«Էստեղ եղբորս ընտանիքի, հարսի հետ յոլա եմ գնում. ո՛չ տուն կա, ո՛չ տեղ». ակցիայի մասնակից

«Վեց ամիս է Հայաստանում եմ, քույրս մահացավ, եկա հուղարկավորությանն ու մնացի էստեղ. որևէ տեղ աշխատելու հնարավորություն չկա, ուր գնում եմ, ասում են՝ պետք է գրանցվեք աշխատելու համար, բայց ես չեմ կարող գրանցվել, ես Ռուսաստանում եմ աշխատել, իմ տունն էլ էնտեղա, ուղղակի էստեղի քաղաքացի եմ»,- ԱԺ-ի դիմաց իրենց խնդիրներն են երկայացնում Ռուսաստան մեկնել ցանկացող քաղաքացիները:

«Ես էստեղ եմ, ամուսինս՝ էնտեղ, նա էլ ա մեծահասակ, չի կարողանում մենակ ապրել, ինչքանո՞վ է ճիշտ միմյանցից հեռու գտնվելը: Էստեղ եղբորս ընտանիքի, հարսի հետ յոլա եմ գնում. ո՛չ տուն կա, ո՛չ տեղ կա: Մենակ մեծերի խնդիրը չի, մեր մեջ երեխեք կան, որ չգիտեն ինչ անեն, վարձով են ապրում... մի աղջիկ կա՝ 3 երեխեն վերցրել, վարձով է ապրում, ինչքանո՞վ է դա ճիշտ»,- գանգատվում էր քաղաքացին:

Նրանց խոսքով՝ միևնույն է, թե կառավարությունն ինչպես կուղարկի իրենց. «Ինչով որ հարմար կգտնեն՝ թող ուղարկեն, մեզ համար միևնույն է»,- ասում են նրանք: