«Թեժ գիծ կլինի, որով հարազատները կպարզեն իրենց զինծառայողի գտնվելու վայրը, վիճակը». Արսեն Թորոսյան

Արցախա-ադրբեջանական սահմանին տեղի ունեցող ռազմական գործողությունների ժամանակահատվածում բազմաթիվ ահազանգեր են լինում, երբ հարազատները երկար ժամանակ չեն կարողանում գտնել, կամ որևէ տեղեկություն սատանալ իրենց զինծառայողների մասին: Առողջապահության նախարար Արսեն Թորոսյանն այդ առնչությամբ ասուլիսի ժամանակ հայտնեց, որ այսօր կամ վաղն այդ հարցին լուծում կտրվի: «Լինելու է թեժ գիծ, որով հնարավոր կլինի պարզել այս կամ այն զինծառայողի գտնվելու վայրը, վիճակը: Չնայած ի սկզբանե բոլոր ճանաչված վիրավորները հիմնականում կարողանում են կապ հաստատել իրենց ծնողների հետ, եթե նրանք գիտակցության են: Շատ քիչ դեպքեր ենք ունենում, որ անճանաչելի վիրավորներ են լինում, քանի որ անգիտակից են լինում սկզբից և իրավիճակով պայմանավորված հայտնի չի լինում՝ նրանք ո՞ր զորամասից են, անուն-ազգանուն և այլն: Նրանց մասով ճանաչման պրոցեսը մի փոքր այլ է, որով կրկին մենք և ՊՆ-ի մեր գործընկերները զբաղվում ենք»,- հայտնեց նախարարը:

Արսեն Թորոսյանը նշեց նաև, որ զինծառայողների շրջանում վիրավորների մեծ մասը միջին և թեթև ծանրության են: