Երկուշաբթի, 23 փետրվարի, 2026 թ.
|
Ստեփանակերտում`   +4 °C

«Առաջին գրոհը Շուշիի վրա մեր ՊԲ-ն արդյունավետ կասեցրել է. հակառակորդն ունի մի քանի հարյուր դիակ». Դավիթ Բաբայան

«Առաջին գրոհը Շուշիի վրա մեր ՊԲ-ն արդյունավետ կասեցրել է. հակառակորդն ունի մի քանի հարյուր դիակ». Դավիթ Բաբայան
1791
Ուրբաթ, 30 հոկտեմբերի, 2020 թ., 14:20

«Հակառակորդը սահմանագծի գրեթե ողջ երկայնքով փորձում է ճեղքել մեր պաշտպանական դիրքերը։ Հատկապես ծանր մարտեր են տեղի ունեցել հյուսիսում, հյուսիս-արևելյան շրջաններում և հարավում։ Պաշտպանության բանակն այս գիշեր շատ արդյունավետ է գործել, և բոլոր ոտնձգությունները կասեցվել են։ Ավելին, հակառակորդի բավականին մի մեծ խումբ՝ զինված ամենաժամանակակից ռազմատեխնիկայով, այդ թվում հրթիռներով և համակարգով, փորձել է իր համար նպաստավոր դիրքեր գրավել, որպեսզի հատագայում սկսի հարձակումը Շուշիի ուղղությամբ․ և երեկ այդ ողջ խմբավորումը ոչնչացվել է»,- տեղեկացրել է Արցախի նախագահի խորհրդական Դավիթ Բաբայանը՝ հավելելով, որ հակառակորդին պատճառվել է հսկայական կորուստներ։

«Ամբողջ Ստեփանակերտն է տեսել, թե ինչպես է գործում մեր հրետանին, մեր պատերազմի աստվածը։ Մի քանի հարյուր դիակներ ունեն 100 տոկոս։ Ոչնչացվել է հակառակորդի արդիական տեխնիկան՝ շատ թանկարժեք և շատ հզոր։ Հետևաբար կարելի է ասել՝ առաջին գրոհը Շուշիի վրա, մեր ՊԲ-ն շատ էֆեկտիվ կասեցրել է»,- ընդգծել է Բաբայանը։