Հինգշաբթի, 03 հուլիսի, 2025 թ.
|
Ստեփանակերտում`   +16 °C

Հայտարարվեց ընդդիմադիր կուսակցությունների վարչապետի թեկնածուի անունը

Հայտարարվեց ընդդիմադիր կուսակցությունների վարչապետի թեկնածուի անունը
510
Հինգշաբթի, 03 դեկտեմբերի, 2020 թ., 16:10

Քիչ առաջ հայտարարվեց ընդդիմադիր 17 կուսակցությունների վարչապետի թեկնածուի անունը: «17 կուսակցություններն այսօր ձևավորեցին Հայրենիքի փրկության խորհուրդ ու որոշում կայացվեց առաջադրել Վազգեն Մանուկյանի թեկնածությունը՝ որպես վարչապետի միասնական թեկնածու»,- ասաց «Հայրենիք» կուսակցության ղեկավար Արթուր Վանեցյանը: Վերջինը նշեց, որ դեկտեմբերի 5-ի հանրահավաքի ժամանակ Մանուկյանը կներկայացնի առաջիկա անելիքների ծրագիրը:

Ինչո՞ւ հենց Վազգեն Մանուկյանը, հարցին ի պատասխան ՀՅԴ ԳՄ ներկայացուցիչ Իշխան Սաղաթելյանն ասաց՝ «նա իր անցած ճանապարհով, հմտություններով և կենսագրությամբ այն մարդն է, որը երկրին կբերի կայունություն, կկարողանա կազմակերպել արդար և թափանցիկ արտահերթ ընտրություններ, և երկրի առջև ծառացած այս պահի մարտահրավերները կարող է հաղթահարել իր գլխավորությամբ ժամանակավոր կառավարության հետ»։ «Արտահերթ ընտրություններին Վազգեն Մանուկյանը չի առաջադրվի»,- հավելեց նա:

Հարցին՝ ի՞նչ են անելու, եթե Նիկոլ Փաշինյանը հրաժարական չտա, արձագանքեց. «Նիկոլ Փաշինյանը ստիպված է հրաժարական տալու, որովհետև այլ ճանապարհ չկա»: Իսկ եթե չհեռանա, նրա խոսքով, իշխանությունից հեռացնելու ճանապարհը հետևյալն է՝ պետք է տեղի ունենա ԱԺ նիստ, որտեղ պետք է քննարկվի նրա պաշտոնանկության հարցը:

Վազգեն Մանուկյանը ՀՀ նախկին վարչապետն է, ԱԺՄ կուսակցության նախագահը:

Կարդացե՛ք նաև