Երկուշաբթի, 25 հունվարի, 2021 թ.
|
Ստեփանակերտում`   -2 °C

«Ո՞ր հանցագործությունն է կոծկվել իմ դատախազ եղած ժամանակ, բա ինչո՞ւ ինձ մեղադրանք չեն առաջադրել». Գ. Ջհանգիրյան

«Ո՞ր հանցագործությունն է կոծկվել իմ դատախազ եղած ժամանակ, բա ինչո՞ւ ինձ մեղադրանք չեն առաջադրել». Գ. Ջհանգիրյան
96
Չորեքշաբթի, 13 հունվարի, 2021 թ., 14:05

«Իրավապաշտպանների շրջանում կա մտահոգություն, որ Դուք չեք կարող օբյեկտիվ ԲԴԽ անդամ լինել, մատնանշում են Մատաղիսի գործը: Նշում են, որ իբրև Ձեր կառավարման տարիներին կոծկվել են մի շարք հանցագործություններ»,- ԱԺ-ում, այսօրվա ճեպազրույցի ժամանակ հնչած այս հարցին, նախկին զինդատախազ Գագիկ Ջհանգիրյանը պատասխանեց. «Ո՞ր հանցագործությունն է կոծկվել իմ դատախազ եղած ժամանակ։ Բա հիմա 2 տարի Քննչական դեպարտամենտում այդ գործը քննվում է, բա ինչո՞ւ չեն բացահայտում իրական հանցագործներին, եթե դրանք կան, ինչո՞ւ ինձ մեղադրանք չեն առաջադրում, և չեն առաջադրել նաև նախորդ իշխանությունները, որ ես այդտեղ հանցագործություն եմ կատարել։

Մատաղիսի գործով երբ այդ դատապարտյալներն ազատվել են կալանքից, ես արդեն պաշտոնավարել եմ Գլխավոր դատախազությունում, Զինվորական դատախազը եղել է Արմեն Խաչատուրյանը։ Լրացուցիչ նախաքննության արդյունքներում նոր Զինվորական դատախազը նույն մեղադրյալներին նույն մեղադրանքներով հաստատել է մեղադրական եզրակացությունը նույն հոդվածներով և ուղարկել դատարան։ Դատարանում գործը քննելիս զինվորական դատախազը եղել է Գևորգ Կոստանյանը։ Գևորգ Կոստանյանն այդ գործը տարել է մինչև վերջ»,- ասաց Ջհանգիրյանը։