Ինչո՞ւ Խնձորեսկը, Քարահունջը, Կապանը չեն ընդգրկվել սոցիալական ծրագրերի ցանկում. պարզաբանում է փոխնախարարը

Աշխատանքի և սոցիալական հարցերի փոխնախարար Դավիթ Խաչատրյանը, մամուլի ասուլիսի ժամանակ, պատասխանելով հարցին, թե ի՞նչն է պատճառը, որ նախարարության հրապարակած սահմանամերձ համայնքների ցուցակում, որոնց տրամադրվելու է օգնություն, բացակայում է Խնձորեսկը, Քարահունջը, Կապանը, և արդյոք ի՞նչ սկզբունքով են ընտրվել համայնքները ցանկում, պարզաբանեց. «Մենք քննարկում ենք ցանկը ճշգրտելու տարբերակաները: Կլինեն վերանայումներ: Խնձորեսկն ու Քարահունջը, ամենայն հավանականությամբ, կընդգրկվեն այս ցանկում: Ինչպես նաև դիտարկում ենք Ակներ և Վերինշեն համայնքները ներառել ցանկում: Օրերի ընթացում կճշգրտվի այդ հարցը»,- ասաց փոխնախարարը:

Ինչ վերաբերվում է Կապանին, պաշտոնյան ասաց. «Քանի որ Կապանը քաղաք է, ուստի, այս ցանկի տրամաբանությունից մի քիչ դուրս է գալիս: Կապանի մասով, կարծում եմ, այլ լուծումներ կտրվեն»: