#Tesla-ի գործարանում հրդեհ է բռնկվել

1970

Ուրբաթ, 12 մարտի, 2021 թ., 10:40

ԱՄՆ Քալիֆորնիա նահանգի Ֆրիմոնթ քաղաքում հրդեհ է բռնկվել էլեկտրամոբիլներ արտադրող Tesla գործարանում։ Այս մասին հայտնում են KRON4 հեռուստաալիքն ու Reuters-ը։
Նախնական տվյալներով՝ հրդեհը տեղի է ունեցել գործարանի այն հատվածում, որտեղ շինարարական աշխատանքներ են ընթանում:
Հեռուստաալիքի տվյալներով՝ Tesla-ի աշխատակիցները փորձել են կրակը մարել ավազի օգնությամբ։
Ավելի ուշ CBS SF հեռուստաալիքը՝ հղում անելով հրշեջ ծառայության ներկայացուցչին, հայտնել է, որ բռնկման աղբյուր է դարձել հիդրավլիկ հեղուկը։ Նախնական տվյալներով՝ ոչ ոք չի տուժել, հրդեհը տեղայնացվել է։
Սա գործարանում առաջին հրդեհը չէ. բռնկում էր տեղի ունեցել նաև 2018 թվականի օգոստոսին։