«Կարևորվել է ՀՀ-Ուկրաինա հարաբերությունների ամրապնդման նպատակով երկխոսության շարունակականության ապահովումը»․ ՀՀ ԱԳՆ
ՀՀ Արտաքին գործերի նախարարությունը հայտնում է․ «ՀՀ ԱԳ նախարարի տեղակալի ժամանակավոր պաշտոնակատար Վահան Կոստանյանը Կիևում մասնակցել է Կիև-Պեչորյան մայրավանքի հիմնադրման 975-ամյակի տոնակատարություններին:
Միջոցառումների շրջանակներում Վահան Կոստանյանը կարճատև զրույցներ է ունեցել Ուկրաինայի նախագահ Վոլոդիմիր Զելենսկիի, ՅՈՒՆԵՍԿՕ-ի գլխավոր տնօրեն Խալեդ Էլ-Էնանիի, ՄԱԿ զբոսաշրջության համաշխարհային կազմակերպության գլխավոր քարտուղար Շեյխա Ալ Նոյիսի և Ուկրաինայի արտաքին գործերի նախարար Անդրեյ Սիբիհայի հետ:
Ուկրաինայի նախագահի և արտաքին գործերի նախարարի հետ զրույցների ընթացքում Վահան Կոստանյանը նրանց է փոխանցել ՀՀ բարձրագույն ղեկավարության շնորհավորանքները տոնակատարության առթիվ և ընդգծել մայրավանքի պատմական ու հոգևոր նշանակությունը, այդ թվում՝ հայ-ուկրաինական դարավոր պատմամշակութային կապերի համատեքստում։
Ընդգծելով վերջին շրջանում ակտիվացած բարձրաստիճան քաղաքական շփումներն ու տնտեսական փոխգործակցության դրական դինամիկան՝ զրուցակիցները կարևորել են Հայաստան-Ուկրաինա երկկողմ օրակարգը հարստացնելու և հարաբերություններն առավել ամրապնդելու նպատակով երկխոսության շարունակականության ապահովումը»:
Հռոմի պապը կոչ է արել Ուկրաինայի հարցով բացել դիվանագիտության ճանապարհը
14416:12
«Հնարավոր է՝ Քոնգրեսի ընտրությունից առաջ Թրամփին անհրաժեշտ լինի ակտիվացնել օժանդակությունը Ուկրաինային». Հակոբ Բադալյան
8115:54
Մեկնարկել է Զելենսկու հանդիպումը Ուիթքոֆի և Քուշների հետ (տեսանյութ)
14315:37
«Պուտինը կարող է հանդիպել Թրամփի հետ Չինաստանում կայանալիք ԱԽՏՀ գագաթնաժողովում». Ուշակով
16314:55
Ուիթքոֆը և Քուշները ժամանել են Կիև
14914:19
«ԱՄՆ-ն գիշերային ժամերին ականազերծել է Հորմուզի նեղուցը». #FT
16612:37
Պուտինը հաստատել է իր մտադրությունը՝ Ուկրաինայի հակամարտության հարցով շարունակել աշխատանքը ամերիկացիների հետ
10111:31
«Լենինին ճիշտ եք հիշել»․ Վարդան Բալյան
11309:06