Պելեն շնորհավորել է Ռոնալդուին՝ բացարձակ ռեկորդի կապակցությամբ

2957

Երեքշաբթի, 16 մարտի, 2021 թ., 01:45

Լեգենդար ֆուտբոլիստ Պելեն շնորհավորել է «Յուվենտուսի» հարձակվող Կրիշտիանու Ռոնալդուին, ով գերազանցել է Պելեի խփած գոլերի ռեկորդը:
«Ինչպիսի հրաշալի կարիերա ունես։ Ես շատ եմ հիանում քեզնով, և դա ոչ ոքի համար գաղտնիք չէ։ Շնորհավորում եմ՝ պաշտոնական խաղերում խփածս գոլերի ռեկորդը գերազանցեցելու համար։ Քո պատվին՝ մեծ սիրով հրապարակում եմ համատեղ լուսանկար՝ որպես երկար տարիների բարեկամության խորհրդանիշ»,- Twitter-ի իր էջում գրել է Պելեն։
Հունվարի 20-ին պորտուգալացին, Իտալիայի Սուպերգավաթի՝ «Նապոլիի» հետ խաղի ժամանակ խփել է 760-րդ գոլը և բացարձակ ռեկորդ սահմանել խփած գոլերի քանակով՝ գերազանցելով Չեխոսլովակիայի հարձակվող Յոզեֆ Բիցանի նվաճումը, ով 1931-1955 թվականների ընթացքում 759 գոլ է խփել: Ռոնալդուն գերազանցել է նաև Պելեին, ով 812 պաշտոնական խաղերի ընթացքում 757 գոլ է խփել:

@Cristiano, que bela jornada você está tendo! Eu te admiro muito e isso não é segredo para ninguém. Parabéns por quebrar o meu recorde de gols em partidas oficiais. Deixo essa foto em sua homenagem, com muito carinho, como símbolo de uma amizade que já existe há muitos anos. pic.twitter.com/PhjXIDP3P1
— Pelé (@Pele) March 14, 2021