Երկուշաբթի, 14 հունիսի, 2021 թ.
|
Ստեփանակերտում`   +13 °C

Ռուսաստանը հետ է կանչում ԱՄՆ-ում իր դեսպանին՝ Պուտինի մասին Բայդենի հայտարարությունից հետո

Ռուսաստանը հետ է կանչում ԱՄՆ-ում իր դեսպանին՝ Պուտինի մասին Բայդենի հայտարարությունից հետո
681
Հինգշաբթի, 18 մարտի, 2021 թ., 11:48

ԱՄՆ նախագահ Ջո Բայդենի այն հայտարարությունից հետո, թե ինքը ՌԴ նախագահ Վլադիմիր Պուտինին «մարդասպան» է համարում, Ռուսաստանը Վաշինգթոնում իր դեսպանին հետ է կանչում՝ խորհրդակցությունների համար։ Այս մասին հայտնել Է ՌԴ ԱԳՆ ներկայացուցիչ Մարիա Զախարովան։
«Վաշինգթոնում Ռուսաստանի դեսպան Ա. Ի. Անտոնովը խորհրդակցություններ անցկացնելու նպատակով հրավիրվել է Մոսկվա՝ վերլուծելու, թե ինչ անել և դեպի ուր շարժվել ԱՄՆ–ի հետ հարաբերությունների համատեքստում»,- ասված է հաղորդագրության մեջ:
ՌԴ ԱԳՆ ներկայացուցիչը հայտարարել է, որ Ռուսաստանը ցանկանում է «ծանր վիճակում գտնվող ռուս-ամերիկյան հարաբերությունները շտկելու ուղիներ» գտնել: Դրանում ռուսական գերատեսչությունը մեղադրել Է ԱՄՆ-ին։