Արցախի ԿԳՄՍ նախարարությունը կոչ է արել կանխել Ադրբեջանի կողմից մշակութային նոր ցեղասպանությունը
![]() 40652 Ուրբաթ, 19 մարտի, 2021 թ., 17:36 Արցախի կրթության, գիտության, մշակույթի և սպորտի նախարարությունը միջազգային կազմակերպություններին կոչ է արել գործադրել բոլոր հնարավոր ջանքերը և գործնական քայլեր ձեռնարկել՝ Ադրբեջանի հանրապետության նախագահի հրահանգով՝ Արցախում մշակութային նոր ցեղասպանությունը կանխելու ուղղությամբ: «Դեռևս խորհրդային տարիներից Ադրբեջանի իշխանությունների պետական քաղաքականության առանցքային մաս էր դարձել հայկական հուշարձանների մի կողմից անխնա ոչնչացումը, իսկ մյուս կողմից՝ յուրացումը: Առկա են բազմաթիվ փաստեր առ այն, թե ինչպես են անխնա ոչնչացման ենթարկվել հատկապես հայերեն արձանագրություններով հուշարձանները՝ եկեղեցիները, վանքերը, խաչքարերը, որոնք ակնհայտորեն մատնանշում են հայ ժողովրդին պատկանելությունը: Ներկա ժամանակներում Ադրբեջանում հայատյացության խորապատկերի վրա այդ երկրի նախագահի կողմից նոր որակ ու ընթացք է տրվել հայկական մշակութային ժառանգության ոչնչացման քաղաքականությանը: Ընդամենը ամիսներ առաջ Ադրբեջանի նախագահի հայտարարություններն ու հարցազրույցները միջազգային լրատվամիջոցներին՝ Ղազանչեցոց եկեղեցու հրթիռակոծության պատահականության և օրեր առաջ կատարած հայկական հուշարձաններից հայատառ գրությունների ոչնչացման մասին հրահանգը վերստին փաստում են, որ համամարդկային արժեքներից խոսող Ադրբեջանի նախագահը շարունակում է մի կողմից մոլորության մեջ դնել միջազգային հանրությանը՝ փորձելով ներկայանալ որպես «քաղաքակիրթ» երկրի ղեկավար, իսկ մյուս կողմից՝ տարվող իրական քաղաքականությունը ակնհայտորեն փաստում է, որ այդ երկիրը շարունակում է մնալ որպես համամարդկային քաղաքակրթության թշնամի: Այլևս ակնհայտ իրողություն է, որ առավել վտանգված է մեր պատմամշակութային ժառանգության հետագա գոյությունը ստեղծված քաղաքական իրավիճակում: Նման վերաբերմունքը ավելի է խորացնում հակամարտությունը՝ ի չիք դարձնելով խաղաղ ճանապարհով այն հանգուցալուծելու միջնորդ երկրների ջանքերը: Կոչ ենք հղում համամարդկային քաղաքակրթության ճակատագրով մտահոգ միջազգային բոլոր կազմակերպություններին՝ հնարավոր բոլոր ջանքերը գործադրել և գործնական քայլեր ձեռնարկել Ադրբեջանի հանրապետության նախագահի մակարդակով հրահանգված Արցախի տարածքում մշակութային նոր ցեղասպանությունը կանխելու ուղղությամբ»,-նշված է նախարարության կոչում: |
«Ապահովե՞լ ես, որ հեռավոր գյուղերում առաջին դասարանցիները հեռախոս ունենան»․ Սյուզաննա Սիմոնյան
32313.09.2025, 18:06«Երեխաներին իրական կյանքից դեպի ինտերնետ տանելու գործիքներ են օգտագործվում»․ Նարինե Կիրակոսյան
40312.09.2025, 16:30««Այբբենարանում Մաշտոցը չկա» պնդումը կեղծ է». Ժաննա Անդրեասյան (տեսանյութ)
60612.09.2025, 11:42«Ժաննա Անդրեասյանի պատասխանն անհասկանալի ագրեսիվ էր»․ Թագուհի Թովմասյան (տեսանյութ)
56810.09.2025, 13:36«Փաշինյանն անորակ և խոտան դասագրքերը գովազդում է որպես հաջող և կիրառելի»․ Հայկ Դեմոյան
45110.09.2025, 02:12«Խոսելու եմ մի սարսափելի երևույթի մասին». Արմեն Հովասափյան
49809.09.2025, 14:12«Ի՞նչ եք կարծում՝ դպրոցում բջջայինի սահմանափակումը կօգնի՞ մեր երեխաներին». Տիգրան Ավինյան
48908.09.2025, 23:30«Դպրոցի պատերը լցնում են նիկոլենց հիմարություններով»․ Արամ Գևորգյան
41908.09.2025, 13:42