«Ձեր տանը չեք, և սա ձեր հայաթը չի»․ վիճաբանություն՝ Սիսակ Գաբրիելյանի և Գևորգ Պետրոսյանի միջև

Այսօր՝ ԱԺ նիստում վիճաբանություն տեղի ունեցավ «Իմ քայլը» խմբակցության պատգամավոր Սիսակ Գաբրիելյանի և անկախ պատգամավոր Գևորգ Պետրոսյանի միջև։

«ՀՀ քրեական օրենսգրքում լրացում կատարելու մասին» օրենքի նախագծի վերաբերյալ հարակից զեկուցմամբ հանդես եկող Սիսակ Գաբրիելյանին Գևորգ Պետրոսյանն ընդհատեց՝ տեղից բարձրաձայն խոսելով։ ԱԺ նախագահ Արարատ Միրզոյանը Պետրոսյանին հորդորեց չխանգարել ելույթը։

«Պարո՛ն Պետրոսյան, ձեր տանը չեք, և սա ձեր հայաթը չի։ Եթե ուզում եք գոռալով, եկեք դուրս գանք, ձեզանից ավելի բարձր գոռամ»,- Գևորգ Պետրոսյանին ասաց Սիսակ Գաբրիելյանը, այնուհետև առաջարկեց դեմ քվեարկել օրինագծին։