Երեքշաբթի, 19 մարտի, 2024 թ.
|
Ստեփանակերտում`   +4 °C

«Ազատ խոսքից սկսած, վերջացրած՝ մարդկանց սեփականությունից և բանկային գաղտնիքից՝ վտանգված է»․ Բաբկեն Հարությունյան

«Ազատ խոսքից սկսած, վերջացրած՝ մարդկանց սեփականությունից և բանկային գաղտնիքից՝ վտանգված է»․ Բաբկեն Հարությունյան
264
Շաբաթ, 31 հուլիսի, 2021 թ., 04:06

«Հայրենիք» կուսակցության անդամ Բաբկեն Հարությունյանը ֆեյսբուքյան իր էջում գրել է. «Հայաստանում ազատ խոսքը, պետական ապարատի թափանցիկությունն ու հաշվետվողականությունը, մարդու իրավունքները և քաղաքական ազատությունները հասել են ամենացածր մակարդակի վրա։ Անկախության ողջ ժամանակահատվածում այսքան «օրինական» ձևով մեր երկրում չի եղել այսքան անազատ և բռնատիրական վիճակ։
Ազատ խոսքից սկսած, վերջացրած մարդկանց սեփականությունից և բանկային գաղտնիքից՝ վտանգված է ամեն բան, և այս ամենը, ի տարբերություն նախկին իշխանությունների կառավարման ժամանակահատվածի՝ տեղի է ունենում միջազգային իրավապաշտպան կառույցների, եվրոպական և ամերիկյան կառույցների լռության ներքո։ Գրեթե չենք տեսնում ժողովրդավարության դասեր տվող և բռնատիրական համակարգ կառուցելու անթույլատրելիության մասին հայտարարություններ վերջինների կողմից։ Գաղտնիք չէ, որ ռուսական կողմն էլ գրեթե երբեք չի խառնվել նման խնդիրներին։
Իսկ թե ինչո՞ւ չենք տեսնում այդ հայտարարությունները՝ տեսնում ենք արցախյան զիջումները և կտեսնե՛նք տարատեսակ Ստամբուլյան կոնվենցիաների վավերացման վերափորձերը»։