Ուրբաթ, 29 մարտի, 2024 թ.
|
Ստեփանակերտում`   +16 °C

«Վիրավորը գիշերը հիվանդանոց է տեղափոխվել». Ն. Կիրակոսյան

«Վիրավորը գիշերը հիվանդանոց է տեղափոխվել». Ն. Կիրակոսյան
474
Երեքշաբթի, 14 սեպտեմբերի, 2021 թ., 12:18

Լրագրող Նարինե Կիրակոսյանը ֆեյսբուքյան իր էջում գրել է. «Կապանի տարածաշրջանում զոհ և վիրավոր ունենք։ Դեպքը ՆՀ գյուղի սարերում է (Վարդանասար) եղել։ Ես դեռ հստակ ինֆորմացիա չունեմ, ճշտվում է։ Հետևեք թարմացման։
Ճշտեցի, որ վիրավորը գիշերը արդեն հիվանդանոց է տեղափոխվել։
Իսկ ըստ ՊՆ-ի հաղորդագրության, սեպտեմբերի 13-ին, ժամը 22:00-ի սահմաններում, ՀՀ հարավ-արևելյան ուղղությամբ տեղակայված մարտական հենակետերից մեկում, նախնական տվյալներով՝ մարտական ծառայության կազմակերպման կանոնների խախտման հետևանքով մահացու հրազենային վիրավորում է ստացել պահեստազորի սերժանտ, 1978թ. ծնված Մկրտիչ Սերյոժայի Հովակիմյանը:
Դեպքի հանգամանքները լիարժեք պարզելու նպատակով կատարվում է քննություն:
Հայաստանի Հանրապետության պաշտպանության նախարարությունը կիսում է կորստյան ծանր վիշտը և զորակցություն հայտնում զոհված զինծառայողի ընտանիքի անդամներին, հարազատներին և ծառայակիցներին»: