Շաբաթ, 14 նոյեմբերի, 2026 թ.
|
Ստեփանակերտում`   +6 °C

«2022 թ․ երկրորդ կեսին պատրաստ կլինի նոր էլեկտրոնային համակարգը, ինչը կվերացնի մաքսատուն այցելելու անհրաժեշտությունը»․ Ռուստամ Բադասյան

«2022 թ․ երկրորդ կեսին պատրաստ կլինի նոր էլեկտրոնային համակարգը, ինչը կվերացնի մաքսատուն այցելելու անհրաժեշտությունը»․ Ռուստամ Բադասյան
360
Հինգշաբթի, 09 դեկտեմբերի, 2021 թ., 15:24

ՊԵԿ նախագահ Ռուստամ Բադասյանը ֆեյսբուքյան իր էջում գրել է․ «Այսօր կառավարությունը հավանության արժանացրեց «Հարկային ծառայության մասին» և «Մաքսային ծառայության մասին» Հայաստանի Հանրապետության օրենքներում լրացումներ և փոփոխություններ կատարելու մասին» Հայաստանի Հանրապետության օրենքների նախագծերը, որով ներդրվում է մաքսային և հարկային ծառայության անցնելու նոր ընթացակարգ, արդյունքում.

✅ Ձևավորելու ենք լիովին նոր ստորաբաժանումներ։ Գործընթացը սկսվելու է մայրաքաղաք Երևանից։

✅ Արդեն 2022թ․ երկրորդ կեսին պատրաստ կլինի նոր էլեկտրոնային համակարգը, ինչը կվերացնի մաքսատուն այցելելու անհրաժեշտությունը․ հայտարարագրերը կներկայացվեն բացառապես էլեկտրոնային եղանակով, և դրանց հետ կապված հետագա բոլոր ճշտումները և հետադարձ կապը կիրականացվի առցանց եղանակով։ Սա ենթադրում է հայտարարագիր վերլուծող մաքսային տեսուչների և մաքսային ձևակերպում իրականացնողների ու տնտեսվարող սուբյեկտների հետ անմիջական շփումների բացառում։

✅ Փոփոխություններ կլինեն նաև մաքսային տերմինալներում, որոնք, արդեն էլեկտրոնային համակարգից ստանալով համապատասխան ազդակները, կիրականացնեն կոնկրետ զննության գործառույթներ։ Ընդհանուր նպատակն է նոր էլեկտրոնային համակարգով կրճատել տնտեսվարողի ժամանակածախսը, խնայել միջոցները, բացառել կոռուպցիոն ռիսկերը և իրականացնել ապրանքների արագ բացթողնման գործընթաց։

✅ Նոր ընթացակարգն ենթադրում է մրցութային կարգով ընդունելություն, ուսումնական գործընթաց՝ տեսական ու գործնական փուլերով, բարեվարքության ստուգում և ըստ առաջադիմության, մաքսային ծառայությունում համալրում»:

Աղբյուրը`   Ռուստամ Բադասյան