ՌԴ պաշտոնական արձագանքը՝ Կոպիրկինին հետ կանչելու լուրերի վերաբերյալ

ՌԴ ԱԳՆ պաշտոնական ներկայացուցիչ Մարիա Զախարովան հերքել է հայկական մամուլում այսօր տարածված տեղեկությունը, թե ՌԴ դեսպան Սերգեյ Կոպիրկինին Հայաստանից հետ են կանչելու։

«Թերթը պետք է հերքում հրապարակի, քանի որ կեղծ լուր են հրապարակել, դա ճիշտ չէ, ապատեղեկատվություն է, տեղեկատվությունը չի համապատասխանում իրականությանը, մեր դեսպանը շարունակում է աշխատել և կատարել երկրի ղեկավարության կողմից առաջադրված խնդիրները»,- ճեպազրույցում ասել է Զախարովան։

Հիշեցնենք՝ «Հրապարակ» թերթը գրել էր, թե շուտով Հայաստանից հետ է կանչվելու Ռուսաստանի դեսպան Սերգեյ Կոպիրկինը: