Երկուշաբթի, 01 դեկտեմբերի, 2025 թ.
|
Ստեփանակերտում`   +7 °C

Մահացու հրազենային վիրավորում է ստացել ժամկետային զինծառայող Սենիկ Արզումանյանը. ևս երկու զինծառայող վիրավոր են

Մահացու հրազենային վիրավորում է ստացել ժամկետային զինծառայող Սենիկ Արզումանյանը. ևս երկու զինծառայող վիրավոր են
1052
Շաբաթ, 11 դեկտեմբերի, 2021 թ., 09:50

ՀՀ պաշտպանության նախարարությունը հայտնում է. «Դեկտեմբերի 10-ին, ժամը 19:30-ի սահմաններում, ՀՀ հարավային ուղղությամբ տեղակայված զորամասերից մեկում, նախնական տվյալներով՝ համածառայակցի կողմից արձակված կրակոցներից մահացու հրազենային վիրավորում է ստացել ժամկետային զինծառայող, շարքային Սենիկ Աշոտի Արզումանյանը (ծնվ. 2002թ.):

Հայաստանի Հանրապետության պաշտպանության նախարարությունը կիսում է կորստյան ծանր վիշտը և զորակցություն հայտնում զոհված զինծառայողի ընտանիքի անդամներին, հարազատներին և ծառայակիցներին:
Եվս երկու զինծառայող վիրավոր են: Նրանց կյանքին վտանգ չի սպառնում:
Ընթանում է քննություն՝ դեպքի հանգամանքները լիարժեք պարզելու համար»: