«Ասում են՝ վթարի դեպքում 300 տոկոսով թանկանում է ԱՊՊԱ-ն, փոխհատուցումն էլ է՞ 300 տոկոսով ավելանում». վարորդներ

882

Ուրբաթ, 18 փետրվարի, 2022 թ., 13:18

Ինչպես արդեն տեղեկացրել ենք, ԱՊՊԱ-ի թանկացման դեմ վարորդները բողոքի ակցիա են իրականացնում Ապահովագրական բյուրոյին դիմաց: «Նորմալ պատասխան չենք լսել, բավարարաված չենք պատասխանով... բոլորս հավաքված ենք մի կարծիքի շուրջ, այն է՝ Հայաստանում ԱՊՊԱ-ն չպիտի թանկանա»,- ասում են նրանք:

«Օրինակ՝ 1-ից 10-րդ դաս ունեցող տրանսպորտային միջոցի սեփականատերը 3000 դրամ ավել ապահովագրավճար պիտի վճարի այն դեպքում, երբ տարիներ շարունակ ապահովագրավճար է վճարում և դրա դիմաց ԱՊՊԱ-ի կողմից ոչինչ չի ստանում: Երկրորդը՝ 10-ից 14-րդ դասի ավտոմեքենաների համար, ինչպես հասկացանք, 6-9 հազար դրամով ապահովագրական վճարը թանկանալու է: Էդ որոշումը կայացնելիս ինչո՞ւ վարորդների կարծիքը չեն հարցրել»,- ասում է մյուսը:

«Ասում են՝ վթարի դեպքում 300 տոկոսով թանկանում է ԱՊՊԱ-ն, բայց փոխհատուցումն էլ է՞ 300 տոկոսով ավելանում, թե՞ ոչ, փոխհատուցման մասին ոչինչ չեն ասում»,- հավելում են վարորդները: