Ուրբաթ, 29 մարտի, 2024 թ.
|
Ստեփանակերտում`   +16 °C

Մարադոնային բուժող բժիշկները կկանգնեն դատարանի առջև

Մարադոնային բուժող բժիշկները կկանգնեն դատարանի առջև
3179
Հինգշաբթի, 14 ապրիլի, 2022 թ., 18:54

Արգենտինայի նախկին ֆուտբոլիստ Դիեգո Մարադոնային 2020 թվականին բուժող 8 բժիշկներ կկանգնեն դատարանի առաջ։ Այս մասին հայտնում է France24 հեռուստաալիքը։

Դատախազությունը կարծում է, որ նրանք սպանությունը կատարել են անզգուշությամբ։ Լեգենդար ֆուտբոլիստը մահացել է 2020 թվականի նոյեմբերին իր տանը։ Դրանից քիչ առաջ նա գլխուղեղի վիրահատության էր ենթարկվել։ Արգենտինացի ֆուտբոլային աստղը 60 տարեկան էր։ Դատախազության տվյալներով՝ բուժանձնակազմը, որը պետք է խնամեր Մարադոնային վիրահատությունից հետո ապաքինվելու ժամանակ, իրականում ֆուտբոլիստին թողել է բախտի քմահաճույքին ու թողել անօգնական վիճակում։ Դատախազությունը հիմնական մեղադրյալներ է համարում ֆուտբոլիստի ընտանեկան բժիշկ Լեոպոլդո Լուկեին և հոգեբույժ Ագուստին Կոսաչովին։ Գործով անցնում են ևս 6 մասնագետներ, այդ թվում՝ հոգեբան և բժշկական համակարգող։

Մեղադրող կողմը պնդում է, որ նրանք անփույթ են եղել, թեև գիտեին, որ դա կարող է Մարադոնայի համար կյանք արժենալ։ Գործով մեղադրյալներին սպառնում է մինչև 25 տարվա ազատազրկում։

Մարադոնայի մահվան պատճառը սրտի անբավարարությունից առաջացած թոքերի այտուցն է եղել։ Բժիշկներն ասում են, որ նա մահացել է գիշերը քնած ժամանակ։ Սակայն մահվան հանգամանքների հետաքննության ընթացքում անհամապատասխանություններ են հայտնաբերվել այս տվյալների և այլ բժիշկների ու վկաների ցուցմունքների միջև։

Մարադոնան և բժիշկ Լեոպոլդո Լուկեն՝ ֆուտբոլային աստղի մահից մի քանի շաբաթ առաջ
Մարադոնան և բժիշկ Լեոպոլդո Լուկեն՝ ֆուտբոլային աստղի մահից մի քանի շաբաթ առաջ