«Ո՞նց կարա փախնող սպան պատիվ ունենա». Դանիել Իոաննիսյան

ԻՔՄ ծրագրերի համակարգող Դանիել Իոաննիսյանը գրում է. «Փախնողների ու չփախնողների մասին. Մարիուպոլի պաշտպանները, գտնվելով շրջափակման մեջ, սեղմած ատամներով այնքան կռվեցին, որ Պուտինն այսօր հրապարակավ հրաժարվեց իրենց գրոհելու պլաններից: Մարիուպոլի պաշտպանները չէին ասում՝ «Զելենսկին հողերը ծախեց», չէին փախնում՝ տարբեր հիմնավորումներ հորինելով: Ատամները սեղմում ու անգամ ամենահուսահատ վիճակում գրագետ կռիվ էին տալիս:

Իսկ մեզ մոտ Վանեցյանի նմանները մի երկու ընկնող արկի ձայն լսելուց փախնում էին ու հետո բոլորին մեղադրում դավաճանության մեջ:

Թե բա՝ «Պատիվ ունեմ»... Ո՞նց կարա փախնող սպան պատիվ ունենա:

Հ. Գ. Վանեցյանը, բայց միակ փախնողը չէր: Չեմ կարող չհիշել Հադրութից փախնող մեր բանակի ստորաբաժանումները, որոնք անգրագետ ու վախկոտ հրամանատարության պատճառով չդիմադրեցին քաղաք մտած իրենցից մի քանի անգամ ավելի քիչ ադրբեջանցիներին»: