«Հայաստանն իր քաղաքականությունը պետք է ունենա՝ կա՛մ արևելք, կա՛մ արևմուտք»․ Գուրգեն Մելիքյան

«Հայաստանն իր քաղաքականությունը պետք է ունենա՝ կա՛մ արևելք, կա՛մ արևմուտք։ Եթե դու կողմնորոշվում ես, ապա կկարողանաս հարատևել, եթե ոչ․․․ լարի վրա խաղալ չի կարելի»,- այսօր՝ Ազատության հրապարակում լրագրողների հետ զրույցում, ասաց ԵՊՀ-ի արևելագիտության ֆակուլտետի դասախոս, պրոֆեսոր, Արցախի Հանրապետության պաշտպանության բանակի գնդապետ Գուրգեն Մելիքյանը։

Խոսելով խաղաղության պայմանագրի մասին՝ Մելիքյանն ասաց․ «Մեր թշնամին էնպիսին է, որ ինքը կարողանում է քնած մարդուն կացնահարել, ի՞նչ խաղաղության մասին է խոսքը, դա խաղաղություն չէ, դա արժանազուրկ ապրելու ձև է, ես չեմ ուզում այդպես ապրել»։