«Երեկ չորս-հինգ քաղաքացիներ եկան. նրանցից մեկն ասաց, որ դիմում է գրել, դուրս եկել ՔՊ-ից». Վանեցյան

«Գալիս են մարդիկ, որոնք ասում են՝ մենք հավատացել էինք Նիկոլ Փաշինյանին, 2018-ին կանգնել էինք նրա կողքին»,- լրագրողների հետ զրույցում՝ ներկայացնելով Ազատության հրապարակում տեղի ունեցող անցուդարձը, ասաց ԱԱԾ նախկին տնօրեն, «Հայրենիք» կուսակցության ղեկավար Արթուր Վանեցյանը:

«Երեկ երեկոյան չորս-հինգ քաղաքացիներ եկան, և նրանցից մեկն ինձ ասեց, որ դիմում է գրել և դուրս եկել «Քաղաքացիական պայմանագիր» կուսակցությունից: Ասեց, որ անգամ պատերազմից հետո սատարել է Նիկոլ Փաշինյանին՝ հույս ունենալով, որ իրապես կլինի այն հայտարարված խաղաղության դարաշրջանը, կունենանք իրապես լավ երկիր, լավ ապագա, բայց Ազգային ժողովի վերջին ելույթը նրան ստիպել է դուրս գալ»,- շարունակեց Վանեցյանը: