«Ստացել ենք Ավետիք Չալաբյանի կալանավորման որոշումը». Վարազդատ Հարությունյան

294

Երեքշաբթի, 17 մայիսի, 2022 թ., 15:30

Փաստաբան Վարազդատ Հարությունյանը գրում է. «Ստացել ենք Ավետիք Չալաբյանի կալանավորման որոշումը: Այն բացարձակ անհիմն է ու չպատճառաբանված: Անգամ պաշտպանական կողմի մի շարք դիրքորոշումների, ինչպիսիք են օրինակ՝ հուլիսի 1-ից հանցակազմի վերացումը, նյութական շահագրգռվածության հասցեատեր երկրորդ անձի բացակայությունը, քննությունից խուսափած չլինելը, ընդհարապես անդրադարձ չկա: Կրկնում եմ՝ ընդհանրապես:

Որոշումն իրենից ներկայացնում է ընդամենը քննիչի միջնորդության արտագրություն (copy-paste)՝ պնդումներ, որոնց հիմնավորումները բացակայում են:

Բնականաբար, անհապաղ կերպով վերաքննիչ բողոք ենք ներկայացնելու:

Առավել մանրամասն կանդրադառնանք առաջիկայում»:

Աղբյուրը` Վարազդատ Հարությունյան